Вялікі вясновы велапаход па Поўначы нашай ды Себяжскі НП
У вялікія выходныя скарыстаўся шансам і паўдзельнічаў у вялікім вясновым паходзе . Тым больш што на крайнім поўначы Беларусі я амаль нідзе ня быў, таму было ўдвая цікавей. Возера Нешчадра, Расоны, Чырвоны мох, Верхнядвінск вось толькі кароткі змест таго што наведалі. Акрамя таго паход прадугледжваў заезд у Расею, а дакладней у Себяжскі нацыянальны парк Як гэта было глядзім у допісу, які перавышае ўсе магчымыя межы 1. Паход пачаўся з пятнічнай электрычкі на Менск у 17.47, потым начны цягнік 625 Менск-Віцебск у 23.10 да Полацка 2. У самім Полацку 3,5 гадзіны чакання, ды дызель-цягнік Полацк-Алёшча да станцыі Дрэтунь у 08.37 3. Станцыя Дрэтунь апошняя адметная станцыя на галіне Полацк-Алёшча па якой я адзіны раз катаўся на шляху ў Невель 4. Усярэдзіне лампава, амаль музэй, калі б не колер сценаў ды сядушкі 5. Расклад руху такі ж сціплы 6. Паход быў даволі людным. Сабралася восем чалавек, а потым далучыліся яшчэ двое 7. Адразу апынуліся ў лясах 8. Дакладней у тутэйш...